Се За Домот | Тифани ламба

Тифани ламба

Првата тифани ламба е изработена во работилницата на Luis Comfort Tiffany од Њујорк во 1895 година, како резултат на влијанието на арт нуво движењето врз нејзиниот дизајнер.

Luis Comfort Tiffany фасциниран од боите, облиците и асиметријата на црковните витражи, ја направил ламбата со абажур од стаклен витраж.

Тој е изумител на методот за производство на специјално стакло познато како тифани фаврил стакло, од кое се изработува абажурот на тифани ламбата.

Арт нуво стилот, кој се јавува на крајот на 19-тиот и почетокот на 20-тиот век, изобилува со мотиви на флора и фауна, цвеќе од природата. Можностите за изразување се движат од чиста фантазија, преку алегорија, до симболика.

И после еден век, тифани ламбата не загубила на популарност и е секојдневие во декоративната расвета на ентериерите.

Таа со своите живи орнаменти создава интересна илузија во просторот и анимирање на амбиентот. Затоа, и кога не свети, подеднакво е привлечна и декоративна.

на почеток